Etxean laguntzeko zerbitzuan harreman oso estua ematen da zaintzailearen eta erabiltzailearen artean. Hori dela eta ezinbestekotzat jotzen dugu Kodigo Etiko bat betetzea:
- Erabiltzailearen duintasunarekiko errespetua izatea, bere egoera eta zirkunstantzien gainetik, pertsona dela oso presente izanda.
- Erabiltzailearen autonomia eta independentzia ahalik eta gehien bultzatzea, bere bizitzako erabakiak berak har ditzan, eta bere kabuz egin ditzakeen gauzetan ez ordezkatzea, modu autonomoan egin ditzan.
- Bere intimitatearekiko errespetu osoa izatea.
- Diskrezio osoz egitea lana, komentario pertsonalak saihestuz eta epairik gabeko jarrera inpartziala mantenduz.
- Bestelako erabiltzaileen inguruko komentariorik ez egitea.
- Harreman profesionala den bitartean zein bukatu ondoren, sekretu profesionala ondo gordetzea, Informazio pertsonalaren inguruko konfidentzialtasuna zainduz, medikuaren ingurukoak edota bestelako alderdi familiarrarekin loturikoak.
- Gauzak tokiz ez aldatzea kontsultatu gabe.
- Zaintzen den etxeko objektu eta ondasunak zaindu.
- Erabiltzailearen ekonomiarako beharrezkoak ez diren gastuak saihestea.
- Ez onartzea erabiltzailearen propinarik, oparirik, edota bestelako mesederik.
- Komunikazio garbia mantentzea erabiltzailearekin edo/eta haren familiarekin.
- Formazioan hobetzeko, jakintza gehiago lortzeko, jarrera mantentzea, erabiltzen diren teknikak eta prozedurak ahalik eta hoberen garatzea izanik helburua.
- Zaintzailearekiko errespetuzko tratua erabiltzailearen eta haren familiaren aldetik.
